Cox Automotive-ის მონაცემებით, აშშ-ის მეორადი ავტომობილების ბაზარი 2025 წელს დაახლოებით 20.1 მილიონ გაყიდვას მიაღწევს. ამავე პერიოდში ახალი ავტომობილების გაყიდვები 16.3 მილიონამდე გაიზარდა. ეს აჩვენებს, რამდენად დიდი მოცულობის მანქანები გადადის მოგვიანებით გადაყიდვასა და აუქციონებზე.
სწორედ ამიტომ ჩნდება ერთი და იგივე მოდელები ხშირად ამერიკის აუქციონებზე. ავტომობილები, რომლებიც ახალი მანქანების ბაზარზე დიდი რაოდენობით იყიდება, მოგვიანებით აუქციონებზე ბრუნდება. ამის მიზეზი შეიძლება იყოს:
- იჯარის ვადის დასრულება
- ავტოპარკების განახლება
- trade-in გაცვლები
- სადაზღვევო შემთხვევები
ეს გზამკვლევი განმარტავს, რომელი ავტომობილები გვხვდება აუქციონებზე ყველაზე ხშირად, რატომ დომინირებენ ისინი ბაზარზე და რა უნდა გაითვალისწინონ მყიდველებმა გადაწყვეტილების მიღებამდე.
ყველაზე გავრცელებული სედანები ამერიკის აუქციონებზე
სედანები ამერიკის აუქციონებზე ერთ-ერთ ყველაზე დიდ კატეგორიად რჩება.
ამ ტიპის ავტომობილები ათწლეულების განმავლობაში დიდი რაოდენობით იყიდებოდა, რის გამოც აუქციონებზე მათი მიწოდებაც მუდმივად მაღალია.
სედანების დიდი ნაწილი ბაზარზე ბრუნდება:
- ოჯახური გამოყენების შემდეგ
- გაქირავების კომპანიებიდან
- კორპორატიული ავტოპარკებიდან
- იჯარის დასრულების შემდეგ
ამიტომ ერთი და იგივე მოდელები აუქციონებზე ხშირად მეორდება.
| სედანი | რატომ გვხვდება ხშირად აუქციონებზე |
|---|---|
| Toyota Camry | ძალიან პოპულარულია ამერიკაში, ფართო ოჯახური გამოყენება, ავტოპარკებში პოპულარობა და მაღალი მოთხოვნა მეორად ბაზარზე |
| Honda Accord | გაყიდვების ხანგრძლივი ისტორია, ბევრი დაბრუნებული ლიზინგის ავტომობილი და სტაბილური მოთხოვნა |
| Nissan Altima | წარმოების დიდი რაოდენობა და ხშირი გამოჩენა სადაზღვევო აუქციონებზე |
| Hyundai Sonata / Kia K5 | ბევრი ლიზინგის ავტომობილი, აქტიური გამოყენება ავტოპარკებში და ძლიერი პოზიცია საშუალო ზომის სედანების ბაზარზე |
Toyota Camry
ტოიოტა ქემრი აუქციონებზე ერთ-ერთი ყველაზე გავრცელებული ავტომობილია. მთავარი მიზეზი მარტივია, ამერიკაში ამ მოდელს წლების განმავლობაში ძალიან დიდი რაოდენობით ყიდულობენ.
ქამრი ხშირად გამოიყენება როგორც:
- საოჯახო სედანი
- სამგზავრო ავტომობილი
- ტაქსი
- კომპანიის ან ავტოპარკის მანქანა
ასეთი ფართო გამოყენების გამო, დიდი რაოდენობით ავტომობილი მოგვიანებით აუქციონებზე ხვდება.
ზოგი მანქანა ბრუნდება ლიზინგის დასრულების შემდეგ.
ზოგი ავტოპარკების განახლების დროს იყიდება.
ბევრი კი სადაზღვევო აუქციონებზე ავარიის შემდეგ ჩნდება.
მყიდველები ქემრის მიმართ ინტერესს იმიტომ ინარჩუნებენ, რომ ამ მოდელს გამძლე და სანდო ავტომობილის რეპუტაცია აქვს.
მისი ნაწილების შოვნა მარტივია, მექანიკოსები კარგად იცნობენ ამ მოდელს და მეორად ბაზარზეც მუდმივად მაღალი მოთხოვნაა.
სწორედ ამიტომ ტოიოტა ქამრი აუქციონებზე ძალიან ხშირად გვხვდება.
Honda Accord
ჰონდა აკორდი ასევე ერთ-ერთი ყველაზე ხშირი სედანია ამერიკის აუქციონებზე.
ეს მოდელი წლების განმავლობაში ამერიკის ბაზარზე ერთ-ერთ ყველაზე პოპულარულ საშუალო ზომის სედანად რჩება, ამიტომ მისი რაოდენობა აუქციონებზეც მუდმივად მაღალია.
ბევრი აკორდი აუქციონზე ლიზინგის დასრულების შემდეგ ხვდება. ჩვეულებრივ, ეს ხდება ავტომობილის გამოყენებიდან 3–5 წლის შემდეგ.
ასეთი მანქანები ხშირად დილერებთან, საბითუმო ბაზარზე და ონლაინ აუქციონებზე ჩნდება.
ძველი მოდელებიც ხშირად იყიდება, რადგან ბევრი მფლობელი აქორდს წლების განმავლობაში ინახავს და მხოლოდ შემდეგ ყიდის.
მყიდველები ამ მოდელს განსაკუთრებით აფასებენ მისი საიმედოობის გამო.
ჰონდა აქორდი პოპულარულია სხვადასხვა ტიპის მყიდველში, ამიტომ მოთხოვნა სტაბილურად მაღალი რჩება მაშინაც კი, როცა ბაზარზე ბევრი ასეთი ავტომობილია.
Nissan Altima
ნისან ალტიმა აუქციონებზე ძალიან ხშირად გვხვდება, რადგან ეს მოდელი ამერიკაში დიდი რაოდენობით იყიდებოდა.
მაღალი გაყიდვები უკვე საკმარისი მიზეზია მისი ხშირი გამოჩენისთვის, მაგრამ დამატებით გავლენას ახდენს სადაზღვევო აუქციონებიც.
ქემრისა და აკორდთან შედარებით, ალტიმა უფრო ხშირად ჩნდება დაზიანებული ავტომობილების კატეგორიაში.
ეს ავტომატურად არ ნიშნავს, რომ მოდელი ცუდი ხარისხისაა. უფრო ხშირად ეს იმაზე მიუთითებს, რომ:
- ბაზარზე ძალიან ბევრი ასეთი მანქანა იყო
- ფართოდ გამოიყენებოდა ყოველდღიურად
- სადაზღვევო შემთხვევებშიც ხშირად ხვდებოდა
მყიდველებისთვის ნისან ალტიმა სხვადასხვა ტიპის ვარიანტს სთავაზობს.
ზოგ ავტომობილს სერიოზული შეკეთება სჭირდება, ზოგს კი მხოლოდ მცირე დაზიანება აქვს ან ჩვეულებრივი გადაყიდვის არხიდან მოდის.
სწორედ ეს მრავალფეროვნება ხდის ალტიმას ამერიკის აუქციონებზე ერთ-ერთ ყველაზე გავრცელებულ სედანად.
Hyundai Sonata / Kia K5
ჰიუნდაი სონატა და კია K5 ასევე ხშირად გვხვდება ამერიკის აუქციონებზე.
კია ოპტიმას ახალი თაობა დღეს უკვე კია კა5 სახელით იყიდება, თუმცა ორივე მოდელი კვლავ აქტიურად ჩნდება მეორად ბაზარზე.
ამ ავტომობილების დიდი ნაწილი აუქციონებზე ლიზინგის დასრულების შემდეგ ან ავტოპარკების განახლების დროს ხვდება.
ორივე მოდელმა წლების განმავლობაში მნიშვნელოვანი პოპულარობა მოიპოვა საშუალო ზომის სედანების კატეგორიაში. ამის შედეგად ბაზარზე დიდი რაოდენობით მეორადი ავტომობილი დაგროვდა, რომლებიც მოგვიანებით აუქციონებზე გამოჩნდა.
გაქირავების კომპანიებმა და კორპორატიულმა ავტოპარკებმაც დამატებით გაზარდა მათი რაოდენობა.
ეს მოდელები იმდენად ხშირია აუქციონებზე, რომ მყიდველებს ხშირად ერთდროულად რამდენიმე ვარიანტის შედარება შეუძლიათ, სხვადასხვა წლის, კომპლექტაციისა და მდგომარეობის მიხედვით.
ეს ფასების შედარებას ამარტივებს და მყიდველებს უფრო მეტ არჩევანს აძლევს:
- გარბენის მიხედვით
- მდგომარეობის მიხედვით
- საჭირო შეკეთებების მიხედვით
- აღჭურვილობის მიხედვით
სედანები დღესაც აუქციონების ერთ-ერთ ყველაზე დიდ კატეგორიად რჩება.
მიუხედავად იმისა, რომ ახალი ავტომობილების ბაზარზე ახლა ჯიპები დომინირებს, სედანები მაინც დიდი რაოდენობით ხვდება აუქციონებზე, რადგან წლების განმავლობაში ამერიკაში მილიონობით ასეთი ავტომობილი გაიყიდა, გავიდა ლიზინგში, დაზღვეული იყო და შემდეგ ხელახლა დაბრუნდა ბაზარზე.
აუქციონებზე ყველაზე გავრცელებული ჯიპები
ჯიპები დღეს ამერიკის ავტოაუქციონების ერთ-ერთ ყველაზე დიდ კატეგორიას წარმოადგენს.
ბოლო ათწლეულის განმავლობაში ამერიკაში ბევრი მყიდველი სედანებიდან ჯიპებზე გადავიდა, განსაკუთრებით კომპაქტურ SUV-ებზე. ამ ცვლილებამ აუქციონების ბაზარზეც დიდი გავლენა მოახდინა.
როდესაც ავტომობილის ტიპი ახალი მანქანების ბაზარზე პოპულარული ხდება, რამდენიმე წლის შემდეგ ის მეორად და აუქციონის ბაზარზეც დომინირებს.
ქვემოთ ჩამოთვლილი მოდელები აუქციონებზე ხშირად გვხვდება, რადგან ისინი ძალიან დიდი რაოდენობით იყიდებოდა და სხვადასხვა მიზნისთვის გამოიყენებოდა, მაგალითად:
- ოჯახური ტრანსპორტისთვის
- ლიზინგისთვის
- გაქირავების კომპანიებში
- კორპორატიულ ავტოპარკებში.
Toyota RAV4
ტოიოტა რავ4 უკვე მრავალი წელია აშშ-ში ერთ-ერთი ყველაზე გაყიდვადი ჯიპია. როდესაც ავტომობილი ასეთი დიდი რაოდენობით იყიდება, რამდენიმე წლის შემდეგ ის აუქციონებზეც ხშირად ჩნდება.
რავ ოთხი აუქციონებზე სხვადასხვა გზით ხვდება. მიწოდების დიდი ნაწილი ლიზინგის დასრულებული ავტომობილებიდან მოდის, რადგან ბევრი მყიდველი ამ მოდელს 3-წლიანი ლიზინგით ირჩევს.
ასევე ხშირად გვხვდება სადაზღვევო აუქციონებზე, რადგან რავ4 ყოველდღიურად აქტიურად გამოიყენება, როგორც ქალაქში, ისე ოჯახური გადაადგილებისთვის.
კიდევ ერთი მიზეზი, რატომაც ეს მოდელი აუქციონებზე ხშირად ჩანს, მისი მაღალი მოთხოვნაა მეორად ბაზარზე. ტოიოტა RAV4 ფართო აუდიტორიას იზიდავს, ამიტომ მყიდველების ინტერესი სტაბილურად მაღალი რჩება. სწორედ ამიტომ გამყიდველები და სადაზღვევო კომპანიები ხშირად ირჩევენ აუქციონს, ავტომობილის სწრაფად და პროგნოზირებადად გასაყიდად.
Honda CR-V
ჰონდა CR-V ამერიკის აუქციონებზე ერთ-ერთი ყველაზე გავრცელებული კომპაქტური ჯიპია. წლების განმავლობაში ის ტოიოტა RAV4-ის მთავარი კონკურენტი იყო და აუქციონებზე მათი რაოდენობაც ხშირად ერთმანეთის მსგავსია.
CR-V-ის ბევრი ავტომობილი აუქციონზე ლიზინგის დასრულების შემდეგ ხვდება. სხვა ნაწილი სადაზღვევო აუქციონებზე ჩნდება მცირე ან საშუალო დაზიანების შემდეგ. ზოგი ავტომობილი კი დილერებისგან მოდის, როდესაც trade-in გაცვლის შედეგად მიღებულ მანქანებს საბითუმო აუქციონებზე ყიდიან.
ჰონდა ცე ერ ვე ღირებულებას კარგად ინარჩუნებს, რის გამოც აუქციონებზე მუდმივად მაღალი მოთხოვნა აქვს. მყიდველები ამ მოდელს ხშირად ირჩევენ, რადგან ის აერთიანებს:
- პრაქტიკულ ზომას
- დაბალ ექსპლუატაციის ხარჯებს
- ხანგრძლივ რესურსს და საიმედოობას.
Nissan Rogue
ნისან როგი აუქციონებზე ძალიან ხშირად გვხვდება, რადგან ნისანმა ეს მოდელი ამერიკაში დიდი რაოდენობით გაყიდა.
განსაკუთრებით ბევრი Rogue გამოიყენებოდა:
- გაქირავების კომპანიებში
- კორპორატიულ ავტოპარკებში
ავტოპარკები აუქციონების მიწოდებაზე დიდ გავლენას ახდენს. გაქირავების კომპანიები ავტომობილებს რამდენიმე წელიწადში ერთხელ ცვლიან და ხშირად ერთდროულად დიდი რაოდენობით ყიდიან. სწორედ ამიტომ ნისან როუგი ხშირად დიდი რაოდენობით ჩნდება აუქციონებზე.
ეს მოდელი ასევე ხშირია სადაზღვევო აუქციონებზე. ამის ერთ-ერთი მიზეზი მისი აქტიური გამოყენებაა ქალაქებში, სადაც ავარიების რაოდენობა ჩვეულებრივ უფრო მაღალია.
Ford Escape
ფორდ ისქეიფი მრავალი წლის განმავლობაში ამერიკის კომპაქტური ჯიპების ბაზარზე ერთ-ერთი ყველაზე პოპულარული მოდელი იყო.
ის აუქციონებზე ხშირად ჩნდება, რადგან ერთდროულად გამოიყენებოდა როგორც:
- საოჯახო ჯიპი
- ავტოპარკის ავტომობილი
ბევრი ისქეიფი აუქციონებზე კორპორატიული და გაქირავების ავტოპარკებიდან ხვდება. სხვა ნაწილი მოდის:
- სადაზღვევო აუქციონებიდან
- trade-in პროგრამებიდან
- დილერების საბითუმო გაყიდვებიდან
რადგან ფორდმა ამ მოდელის დიდი რაოდენობა გაყიდა, აუქციონებზე მისი მიწოდება ყოველწლიურად სტაბილურად მაღალი რჩება.
Chevrolet Equinox
შევროლეტ ექუინოქსი კიდევ ერთი პოპულარული კომპაქტური ჯიპია, რომელიც აშშ-ის აუქციონებზე ხშირად გვხვდება.
შევროლეტის მშობელი კომპანია General Motors დიდი რაოდენობით აწვდიდა ექუინოქსს:
- გაქირავების კომპანიებს
- კორპორატიულ ავტოპარკებს
ამის გამო, მოგვიანებით აუქციონებზე ამ მოდელის რაოდენობაც მნიშვნელოვნად გაიზარდა. Chevrolet Equinox ასევე ხშირად ჩნდება:
- სადაზღვევო აუქციონებზე
- დილერების საბითუმო აუქციონებზე
ეს ყველაფერი ერთად ბაზარზე მუდმივად დიდ მარაგს ქმნის, სხვადასხვა წლის, გარბენისა და მდგომარეობის ავტომობილებით.
აშშ-ის აუქციონებზე ყველაზე გავრცელებული პიკაპები
პიკაპები ამერიკის ავტომობილების ბაზრის ძალიან დიდი ნაწილია, ამიტომ ისინი აუქციონებზეც ხშირად გვხვდება.
ამ მოდელების დიდი რაოდენობა აუქციონებზე სხვადასხვა წყაროდან ხვდება, მაგალითად:
- სამშენებლო კომპანიებიდან
- კორპორატიული ავტოპარკებიდან
- ლიზინგის პროგრამებიდან
- სადაზღვევო აუქციონებიდან
სედანებისა და ჯიპებისგან განსხვავებით, პიკაპები ხშირად უფრო მძიმე პირობებში გამოიყენება.
ბევრი მათგანი ყოველდღიურად მუშაობს:
- მშენებლობაზე
- ტვირთის გადასაზიდად
- კომერციულ საქმიანობაში
- რთულ გზებზე
ამიტომ მათი მდგომარეობა აუქციონზე ხშირად მნიშვნელოვნად განსხვავდება. ზოგი პიკაპი კარგად მოვლილია, ზოგი კი მძიმე სამუშაოს კვალს ატარებს.
ქვემოთ ჩამოთვლილი მოდელები აუქციონებზე ყველაზე ხშირად გვხვდება, რადგან ისინი აშშ-ის სრული ზომის პიკაპების ბაზარზე წლების განმავლობაში დომინირებდა.
Ford F-150
Ford F-150 მრავალი წლის განმავლობაში აშშ-ში ყველაზე გაყიდვადი ავტომობილი იყო, არა მხოლოდ პიკაპებს შორის, არამედ მთლიან ბაზარზე. ასეთი დიდი გაყიდვები ავტომატურად ნიშნავს, რომ ეს მოდელი აუქციონებზეც ძალიან ხშირად ჩნდება.
F-150-ის დიდი ნაწილი აუქციონებზე სამუშაო ავტოპარკებიდან ხვდება.
ამ მოდელს აქტიურად იყენებენ:
- სამშენებლო კომპანიები
- სერვისული ბიზნესი
- ლოჯისტიკური კომპანიები
ასეთი ორგანიზაციები პიკაპებს რამდენიმე წელიწადში ერთხელ ცვლიან და ძველ ავტომობილებს აუქციონებზე ყიდიან. ფორდ ფ150 ასევე ხშირად გვხვდება სადაზღვევო აუქციონებზე, რადგან ეს პიკაპები ყოველდღიურად მძიმე პირობებში მუშაობს.
კიდევ ერთი წყაროა პირადი მოხმარების ავტომობილები, რომლებიც ლიზინგის დასრულების შემდეგ ბრუნდება ბაზარზე.
ამის გამო აუქციონებზე შეიძლება შეხვდეთ როგორც ინტენსიურად გამოყენებულ სამუშაო პიკაპებს, ისე კარგად მოვლილ პირად ავტომობილებს.
Chevrolet Silverado
შევროლეტ სილვერადო ასევე ერთ-ერთი ყველაზე გავრცელებული პიკაპია აუქციონებზე.
ეს მოდელი წლების განმავლობაში ფართოდ გამოიყენებოდა:
- მშენებლობაში
- ტრანსპორტში
- სამრეწველო სექტორში
სილვერადოს ბევრი პიკაპი აუქციონებზე სამუშაო ავტოპარკებიდან ხვდება ხანგრძლივი გამოყენების შემდეგ. ავტოპარკების მფლობელები ხშირად რამდენიმე მანქანას ერთდროულად ყიდიან, როცა ფლოტს აახლებენ. ამის გამო აუქციონებზე ხშირად ჩნდება მსგავსი წლისა და კონფიგურაციის დიდი პარტიები.
Chevrolet Silverado ასევე ხშირად გვხვდება სადაზღვევო აუქციონებზე ავარიების შემდეგ. ამის ერთ-ერთი მიზეზი ის არის, რომ სამუშაო პიკაპები გზაზე უფრო მეტ დროს ატარებს, ვიდრე ჩვეულებრივი მსუბუქი ავტომობილები.
RAM 1500
RAM 1500 აშშ-ის სრული ზომის პიკაპების ბაზარზე ერთ-ერთი პოპულარული მოდელია და აუქციონებზე რეგულარულად ჩნდება.
სხვა სამუშაოზე ორიენტირებული პიკაპებისგან განსხვავებით, RAM 1500 ხშირად გვხვდება როგორც პირადი მოხმარების ავტომობილი, უფრო მაღალი კომპლექტაციით და მეტი კომფორტის ფუნქციით.
ამ მოდელის აუქციონებზე გამოჩენის მთავარი წყარო ლიზინგის დასრულებული ავტომობილებია. ბევრი RAM 1500 აუქციონზე 3–4 წლის გამოყენების შემდეგ ხვდება.
ასეთი ავტომობილები ხშირად შედარებით კარგ მდგომარეობაშია, განსაკუთრებით მაშინ, როცა მათ მძიმე სამუშაოსთვის არ იყენებდნენ. ამის გამო მყიდველებს აუქციონებზე ხშირად შეუძლიათ იპოვონ RAM 1500-ის კარგად მოვლილი ვერსიები კარგი აღჭურვილობითა და კომფორტის დამატებითი ფუნქციებით.
სადაზღვევო აუქციონებზე ყველაზე გავრცელებული დაზიანებული ავტომობილები
სადაზღვევო აუქციონები ავტომობილების აუქციონების ბაზრის ძალიან დიდ ნაწილს ქმნის. აუქციონებზე არსებული ბევრი ავტომობილი სადაზღვევო კომპანიებიდან მოდის მას შემდეგ, რაც დაზიანების ანაზღაურების პროცესი დასრულდება.
ზოგი ბრენდი ასეთ აუქციონებზე უფრო ხშირად ჩნდება, მაგრამ ეს ავტომატურად არ ნიშნავს ცუდ ხარისხს. ხშირ შემთხვევაში მიზეზი უბრალოდ ის არის, რომ ამ ბრენდების მანქანები გზებზე ძალიან ბევრია.
რატომ გვხვდება ასე ხშირად Toyota, Honda და Nissan
ტოიოტა, ჰონდა და ნისანი სადაზღვევო აუქციონებზე ყველაზე ხშირად გვხვდება, რადგან ამერიკაში ამ ბრენდების ავტომობილები დიდი რაოდენობით იყიდება.
რაც მეტი მანქანაა გზაზე, მით მეტი ხდება:
- ავარია
- სადაზღვევო შემთხვევა
- დაზიანებული ავტომობილის გაყიდვა აუქციონზე
ეს ბრენდები მილიონობით ადამიანისთვის ყოველდღიური ტრანსპორტია, ამიტომ ისინი მუდმივად მოძრაობს ქალაქებში და გზებზე.
აქტიური გამოყენება ზრდის ისეთი შემთხვევების ალბათობას, როგორიცაა:
- ავარია
- პარკირების დროს დაზიანება
- სეტყვით გამოწვეული ზიანი
- ქურდობა
სადაზღვევო კომპანიები ასეთ ავტომობილებს ხშირად აუქციონებზე ყიდიან დაზღვევის ანაზღაურების შემდეგ. კიდევ ერთი მიზეზი მათი მაღალი მოთხოვნაა მეორად ბაზარზე. ტოიოტა, ჰონდა და ნისანი სტაბილურ ფასს ინარჩუნებს, ამიტომ სადაზღვევო კომპანიებისთვის მათი აუქციონზე გაყიდვა უფრო მარტივი და პროგნოზირებადია.
დაზიანების ყველაზე გავრცელებული ტიპები
ყველა დაზიანებული ავტომობილი ერთნაირი არ არის.
დაზიანების ტიპი დიდ გავლენას ახდენს:
- შეკეთების ღირებულებაზე
- ავტომობილის საბოლოო ფასზე
- მყიდველის ინტერესზე
ზოგი დაზიანება შედარებით მარტივად სწორდება, ზოგი კი სერიოზულ ტექნიკურ და ფინანსურ რისკს ქმნის.
შეჯახების შედეგად მიღებული დაზიანება
ავარიით დაზიანებული ავტომობილები სადაზღვევო აუქციონებზე ყველაზე ხშირად გვხვდება. შეკეთების ღირებულება დამოკიდებულია იმაზე, თუ რა დაზიანდა. მცირე კოსმეტიკური დაზიანება, როგორც წესი, იაფად სწორდება, ხოლო სტრუქტურული დაზიანება ბევრად უფრო ძვირი და რთულია.
წყალდიდობის დაზიანება
წყალდიდობით დაზიანებული ავტომობილები უფრო სარისკოდ ითვლება.
წყალი ხშირად აზიანებს:
- ელექტრო სისტემას
- გაყვანილობას
- ელექტრონიკას
ამ მიზეზით ასეთი მანქანები ხშირად უფრო დაბალ ფასად იყიდება, რადგან მომავალი პრობლემების რისკი მაღალია.
სეტყვის დაზიანება
სეტყვისგან დაზიანებული ავტომობილები შეიძლება ცუდად გამოიყურებოდეს, მაგრამ ხშირ შემთხვევაში დაზიანება მხოლოდ გარეთა ნაწილზეა და მექანიკურ სისტემებს არ ეხება. ბევრი მყიდველი ასეთ მანქანებს სპეციალურად ეძებს, რადგან შეკეთების ხარჯი უფრო მარტივად დასათვლელია.
მოპარული და დაბრუნებული ავტომობილები
ზოგიერთ ავტომობილს, რომელიც ქურდობის შემდეგ დაბრუნდა, შეიძლება აკლდეს ნაწილები ან ჰქონდეს მცირე ვიზუალური დაზიანება. თუმცა ხშირ შემთხვევაში მათი მექანიკური მდგომარეობა ნორმალურია, რის გამოც ასეთი მანქანები აუქციონებზე ხშირად საინტერესო ვარიანტად ითვლება.
მექანიკური დაზიანება
მექანიკური პრობლემები ყველაზე რთული კატეგორიაა. ძრავის ან ტრანსმისიის დაზიანება ხშირად ძალიან ძვირი შესაკეთებელია. ამიტომ მყიდველებმა ასეთი ავტომობილები განსაკუთრებით ფრთხილად უნდა შეაფასონ, სანამ ფასს დაადებენ.