თუ ოდესმე დაინტერესებულხართ აშშ-ის აუქციონებიდან ავტომობილის შეძენით, დიდი ალბათობით შეგხვედრიათ Copart-იც. ეს არის ერთ-ერთი ყველაზე დიდი და ცნობილი პლატფორმა, სადაც ავტომობილები იყიდება ბიდინგის (აუქციონის) პრინციპით. თუმცა, დამწყებისთვის ეს პროცესი თავიდან შეიძლება ცოტა დამაბნეველი იყოს.
იმის გასაგებად, ღირს თუ არა Copart-ზე ავტომობილის შეძენა, მნიშვნელოვანია იცოდეთ:
- როგორ მუშაობს ეს პლატფორმა
- რა ტიპის მანქანები იყიდება აქ
- და როგორ განსხვავდება ეს პროცესი ტრადიციული ავტომობილის ყიდვისგან.
სანამ აუქციონში ჩაერთვებით, ამ ყველაფრის სწორად გააზრება დაგეხმარებათ უფრო ინფორმირებული და უსაფრთხო გადაწყვეტილების მიღებაში.
რა არის Copart?
თუ გაინტერესებთ, რა არის კოპარტის აუქციონი, ყველაზე მარტივი ახსნა ასეთია: Copart არის ერთ-ერთი ყველაზე დიდი ონლაინ ავტოაუქციონის პლატფორმა აშშ-ში, სადაც ავტომობილები იყიდება ბიდინგის, აუქციონის პრინციპით და არა ფიქსირებული ფასებით.
Copart არ არის ავტოდილერი – ის არ ყიდის მანქანებს განსაზღვრული ფასებით და არ სთავაზობს გარანტიებს. ეს არის პლატფორმა, სადაც სხვადასხვა გამყიდველი ათავსებს ავტომობილებს, ხოლო მყიდველები ერთმანეთს ეჯიბრებიან ბიდების დადებით ავტომობილების შეძენაში.
Copart-ზე არსებული ავტომობილების ძირითადი წყაროებია:
- სადაზღვევო კომპანიები (ავარიის ან სრული ზარალის შემდეგ)
- ბანკები (ჩამორთმეული ავტომობილები)
- გაქირავების კომპანიები
- კომპანიების მანქანები
- ავტოდილერების trade-in ავტომობილები.
ეს მანქანები, როგორც წესი, აუქციონზე ხვდება შემდეგი მიზეზებით:
- ავარია
- მოპარული და შემდეგ აღმოჩენილი ავტომობილები
- ლიზინგის დასრულება
- მარაგების განახლება.
ამის გამო, ავტომობილების მდგომარეობა შეიძლება ძალიან განსხვავდებოდეს – მსუბუქად დაზიანებულიდან ძლიერ დაზიანებულამდე, და ზოგჯერ სრულიად გამართულ (clean title) მანქანებამდეც.
რა ტიპის ავტომობილები იყიდება Copart-ზე?
კოპარტის აუქციონის შესწავლისას, ერთ-ერთი ყველაზე მნიშვნელოვანი ფაქტორია – რა ტიპის ავტომობილები გვხვდება ამ პლატფორმაზე. Copart გთავაზობთ სხვადასხვა კატეგორიის მანქანებს, რომლებიც განსხვავდება მდგომარეობით, რისკითა და ფასით.
განვიხილოთ ძირითადი ტიპის ავტომობილები:
Salvage (დაზიანებული) ავტომობილები
ეს არის მანქანები, რომლებიც სადაზღვევო კომპანიამ აღიარა როგორც „total loss“, ძირითადად ავარიის შემდეგ.
ეს არ ნიშნავს, რომ მანქანა მთლიანად განადგურებულია – უბრალოდ, შეკეთების ღირებულებამ გადააჭარბა მის საბაზრო ფასს. შესაძლებელია ბევრი ასეთი ავტომობილის შეკეთება და ხელახლა გამოყენება.
Clean title (სუფთა ისტორიის) ავტომობილები
ეს ნიშნავს, რომ მსგავსი ტიპის ავტომობილებს არ უფიქსირდება სერიოზული ავარიის ისტორია სადაზღვევო ბაზებში.
ეს ავტომობილები ხშირად მოდის:
- trade-in ავტომობილებიდან
- ლიზინგის დაბრუნებებიდან
- კომპანიის ავტოპარკებიდან.
როგორც წესი, უკეთეს მდგომარეობაშია, თუმცა მაინც აუქციონზე იყიდება სწრაფი რეალიზაციისთვის.
შეკეთებული ავტომობილები
ეს არის ადრე დაზიანებული (salvage) მანქანები, რომლებიც უკვე შეკეთებულია და გაიარა ტექნიკური ინსპექტირება.
ამ ავტომობილებით შესაძლებელია ლეგალურად გადაადგილება, თუმცა ისტორია მაინც გავლენას ახდენს ფასსა და გადაყიდვის შესაძლებლობაზე.
ჩანაძირი (წყლით დაზიანებული) ავტომობილები
ეს კატეგორია მოიცავს წყლის ზემოქმედების ქვეშ მოქცეულ ავტომობილებს (წყალდიდობა, შტორმი და ა.შ.).
მიუხედავად იმისა, რომ ვიზუალურად შეიძლება ნორმალურად გამოიყურებოდეს, ხშირად იწვევს:
- ელექტრო პრობლემებს
- გრძელვადიან ტექნიკურ გაუმართაობებს.
ეს ერთ-ერთი ყველაზე მაღალი რისკის კატეგორიაა.
მოპარული და შემდეგ ნაპოვნი ავტომობილები
ეს მანქანები მოიპარეს და მოგვიანებით იპოვეს.
შეიძლება ჰქონდეთ:
- მცირე დაზიანება
- დაკარგული დეტალები
- ან საერთოდ არ ჰქონდეთ დაზიანება.
თუმცა, ინციდენტის გამო, ხშირად იყიდება აუქციონზე და არა სადილეროებში.
ბანკის მიერ ჩამორთმეული ავტომობილები
ეს არის მანქანები, რომლებიც ბანკებმა ჩამოართვეს მფლობელებს სესხის გადაუხდელობის გამო.
ბანკებისთვის ავტომობილების შენახვა პრიორიტეტი არ არის, ამიტომ ისინი სწრაფად ყიდიან მათ აუქციონზე თანხის დასაბრუნებლად.
მარაგების განახლების მიზნით გაყიდული ავტომობილები
ეს ავტომობილები აუქციონზე ხვდება:
- გაქირავების კომპანიებიდან
- კომპანიების ავტოპარკიდან
ხშირად:
- კარგად მოვლილია
- რეგულარულად გადის სერვისს
- თუმცა შეიძლება ჰქონდეს მაღალი გარბენი.
კომპანიები ასეთ მანქანებს ერთდროულად ყიდიან, როცა მარაგებს ანახლებენ.
რა წყაროებიდან ხვდება Copart-ის აუქციონზე მანქანები?
იმის გასაგებად, როგორ მუშაობს Copart, მნიშვნელოვანია ვიცოდეთ, საიდან ხვდება ავტომობილები ამ პლატფორმაზე. Copart თანამშრომლობს სხვადასხვა ტიპის გამყიდველებთან, რომლებსაც მანქანების სწრაფად გაყიდვა სჭირდებათ – სწორედ ამიტომ არის აუქციონზე მრავალფეროვანი არჩევანი.
ძირითადი წყაროებია:
- სადაზღვევო კომპანიები (total loss ავტომობილები) – ეს არის Copart-ის მანქანების ყველაზე დიდი წყარო. ავარიის ან სერიოზული დაზიანების შემდეგ, სადაზღვევო კომპანიები ავტომობილს აცხადებს „total loss“-ად და აუქციონზე ყიდის, რათა თანხის ნაწილი მაინც დაიბრუნოს.
- ბანკების ჩამორთმეული ავტომობილები – მანქანები, რომლებიც შეძენილია სესხით და ვერ მოხდა გადახდა, ბანკის მიერ ჩამოერთმევა მფლობელს და სწრაფად იყიდება აუქციონზე დარჩენილი თანხის დასაბრუნებლად.
- გაქირავების კომპანიების მარაგები – გაქირავების კომპანიები რეგულარულად ანახლებენ თავიანთ ავტოპარკს და ერთდროულად ყიდიან ბევრ მეორად ავტომობილს აუქციონზე.
- სალიზინგო კომპანიები – ლიზინგის ვადის დასრულების შემდეგ დაბრუნებული მანქანები იყიდება, რათა გათავისუფლდეს ადგილი ახალი მოდელებისთვის და განახლდეს ინვენტარი.
- ავტოსადილეორების trade-in ავტომობილები – ყველა trade-in მანქანა არ შეესაბამება სადილეროს ინვენტარს. ასეთ შემთხვევაში, ისინი იგზავნება აუქციონზე, ნაცვლად იმისა, რომ შოურუმში გაიყიდოს.
- სახელმწიფო უწყებების ავტომობილები – სახელმწიფო სტრუქტურების (პოლიცია, მუნიციპალური სერვისები და სხვა.) მიერ გამოყენებული მანქანები იყიდება მაშინ, როცა ისინი იცვლება ან ექსპლუატაციიდან ამოდის.
როგორ მუშაობს Copart-ის აუქციონები?
Copart-ის აუქციონებს აქვთ მკაფიო პროცესი, თუმცა თუ პირველად იყენებთ ასეთ პლატფორმას, შეიძლება თავიდან ცოტა სწრაფი და გაუგებარი მოგეჩვენოთ. თუმცა, თუ ამ პროცესს კონკრეტულ ნაბიჯებად დავყოფთ, ყველაფერი მარტივად გასაგები გახდება.
ნაბიჯი 1 – ავტომობილის განთავსება აუქციონზე
ყველაფერი იწყება ლისტინგით. აუქციონის დაწყებამდე მანქანა იტვირთება პლატფორმაზე ყველა საჭირო ინფორმაციით, რაც მყიდველს ეხმარება შეფასებაში.
სტანდარტული ლისტინგი მოიცავს:
- ავტომობილის ფოტოებს
- დაზიანების აღწერას
- მდგომარეობის რეპორტს
- საბუთის ტიპს
- სავარაუდო საცალო ღირებულებას
- აუქციონის თარიღსა და დროს
ეს ინფორმაცია გეხმარებათ გადაწყვიტოთ, ღირს თუ არა ბიდის დადება და რა ბიუჯეტამდე უნდა ითამაშოთ ამ კონკრეტულ ავტომობილზე.
ნაბიჯი 2 – ბიდინგის დაწყება
Live აუქციონამდე ხშირად შეგიძლიათ pre-bid დადება – ანუ წინასწარი შეთავაზების გაკეთება ავტომობილზე. სისტემა აჩვენებს მიმდინარე ყველაზე მაღალ ბიდს და თქვენ შეგიძლიათ წინასწარ ჩაერთოთ პროცესში.
როდესაც აუქციონი ოფიციალურად იწყება:
- ფასი იზრდება ეტაპობრივად
- ბიდები ემატება განსაზღვრული ინტერვალებით (არ ხდება შემთხვევითი თანხის ზრდები)
მნიშვნელოვანია ორი ტერმინის ცოდნა:
- Minimum bid – მინიმალური თანხა, საიდანაც ბიდინგი იწყება ან გრძელდება
- Reserve price – მინიმალური ფასი, რა თანხაზეც გამყიდველი თანახმაა გაყიდოს მანქანა.
თუ საბოლოო ბიდი არ აღწევს reserve price-ს, მანქანა შეიძლება საერთოდ არ გაიყიდოს.
ნაბიჯი 3 – Live აუქციონი
Live აუქციონზე ყველაფერი ხდება რეალურ დროში და საკმაოდ სწრაფად.
- მყიდველები დებენ ბიდებს countdown-ის დროს
- ბოლო მომენტში ყველაზე მაღალი ბიდი განსაზღვრავს შედეგს
ეს ეტაპი ხშირად ყველაზე ინტენსიურია, რადგან რამდენიმე მყიდველი შეიძლება წამებში ეჯიბრებოდეს ერთმანეთს, რაც ფასს სწრაფად ზრდის.
საბოლოო ფასი დამოკიდებულია:
- ყველაზე მაღალ ბიდზე
- გამყიდველის თანხმობაზე
- და იმაზე, დაკმაყოფილდა თუ არა reserve price.
ნაბიჯი 4 – გადახდა და მანქანის გაყვანა
თუ აუქციონზე ავტომობილი მოიგეთ, პროცესი გძელდება გადახდითა და მანქანის გაყვანით.
- გადახდა უნდა მოხდეს მოკლე ვადაში
- დაგვიანებამ შეიძლება გამოიწვიოს ჯარიმა.
გადახდის შემდეგ, ავტომობილი უნდა გაიყვანოთ განსაზღვრულ დროში, რადგან:
- დაგვიანების შემთხვევაში იწყება პარგინკის (storage) გადასახადი.
გაყვანისთვუს, როგორც წესი, საჭიროა:
- სრული თანხის გადახდა
- შესაბამისი დოკუმენტები
- ტრანსპორტირების ორგანიზება (განსაკუთრებით თუ მანქანა არ არის გამართული).
შეუძლია თუ არა ყველას Copart-ზე მანქანის ყიდვა?
კოპარტზე ყიდვა ყველასთვის ერთნაირად ხელმისაწვდომი არ არის. პირდაპირ ყიდვას შეძლებთ თუ არა, დამოკიდებულია თქვენს ლოკაციასა და ლიცენზიის მოთხოვნებზე.
აშშ-ის ბევრ შტატში გარკვეული ტიპის ავტომობილები, განსაკუთრებით salvage კატეგორია, მხოლოდ ლიცენზირებულ დილერებს შეუძლიათ შეიძინონ. ეს ნიშნავს, რომ ინდივიდუალურ მყიდველებს ხშირად შეზღუდული წვდომა აქვთ ან საერთოდ ვერ მონაწილეობენ ზოგიერთ აუქციონში.
ლიცენზირებული vs არალიცენზირებული მყიდველები
Copart ავტომობილებს ყოფს კატეგორიებად იმის მიხედვით, ვის აქვს მათზე ბიდის დადების უფლება:
ლიცენზირებული მყიდველები (დილერები) – აქვთ წვდომა სრულ ინვენტარზე, მათ შორის:
- salvage საბუთის მანქანები
- სადაზღვევო “total loss” ავტომობილები
- მაღალი რისკის კატეგორიები
არალიცენზირებული მყიდველები (ფიზიკური პირები) – შეუძლიათ ბიდის დადება მხოლოდ:
- გარკვეულ clean title მანქანებზე
- საჯაროდ ხელმისაწვდომ ლისტინგებზე (შტატის მიხედვით).
ეს ნიშნავს, რომ აუქციონზე არსებული ბევრი ავტომობილი ყველასთვის ხელმისაწვდომი არ არის.
ყიდვა შუამავლის დახმარებით
ამ შეზღუდვების გამო, ბევრი საერთაშორისო მყიდველი (და ადგილობრივი ფიზიკური პირიც) იყენებს ბროკერს/შუამავალს.
ბროკერი არის ლიცენზირებული შუამავალი, რომელიც:
- დებს ბიდებს თქვენს მაგივრად
- აგვარებს დოკუმენტაციას
- გეხმარებათ გადახდასა და ლოჯისტიკაში.
ამ გზით შესაძლებელია ისეთი ავტომობილების შეძენა, რომელთა ყიდვასაც პირდაპირ ვერ შეძლებდით.
რატომ არის ავტომობილები კოპარტზე უფრო ხელმისაწვდომი?
ერთ-ერთი მთავარი მიზეზი იმისა თუ რატომ ინტერესდებიან მყიდველები კოპარტით არის შედარებით დაბალი ფასები. თუმცა ეს ფასები შემთხვევითი არ არის. ფასი პირდაპირ კავშირშია იმასთან თუ რა მდგომარეობაში მანქანები და რა რისკს იღებს მყიდველი.
ძირითადი ფაქტორები:
- დაზიანება – ბევრ ავტომობილს აქვს ხილული ან ფარული დაზიანება. მცირე პრობლემებიც კი ამცირებს ფასს, ხოლო სერიოზული დაზიანება მნიშვნელოვნად ამცირებს მას.
- Insurance total loss სტატუსი – მანქანების დიდი ნაწილი სადაზღვევო კომპანიების მიერ გამოცხადებულია „total loss“-ად. ეს არ ნიშნავს, რომ მანქანა გამოუსადეგარია – უბრალოდ მისი შეკეთება უფრო ძვირი ჯდებოდა, ვიდრე მისი ღირებულება.
- საბითუმო ფასები – ავტომობილები იყიდება საბითუმო დონეზე, რაც ნიშნავს, რომ ფასები გათვლილია დილერებზე და გადამყიდველებზე, არა საბოლოო მომხმარებელზე
- არ ტარდება წინასწარი მომზადება – დილერებისგან განსხვავებით, მანქანები არ არის შეკეთებული, გასუფთავებული ან გასაყიდად მომზადებული. ყველა პასუხისმგებლობა მყიდველზე გადადის
- აუქციონის ფასების სისტემა – ფასი განისაზღვრება ბიდინგით და არა ფიქსირებული ღირებულებით. თუ მოთხოვნა დაბალია, მანქანა შეიძლება მნიშვნელოვნად დაბალ ფასად გაიყიდოს.
ფასის განსხვავება ბაზართან შედარებით
საშუალოდ, Copart-ზე ავტომობილები შეიძლება იყოს:
- 20%–30%-ით იაფი – შედარებით სუფთა ან მსუბუქად დაზიანებული მანქანები
- 30%–50%-ით იაფი – საშუალო დაზიანების მქონე ავტომობილები
- 60%-მდე ან მეტით იაფი – მძიმედ დაზიანებული ან მაღალი რისკის მანქანები.
საბოლოო განსხვავება დამოკიდებულია:
- ავტომობილის მდგომარეობასა და დაზიანების ტიპზე
- საბუთის სტატუსზე (clean vs salvage)
- კონკრეტული მოდელის მოთხოვნაზე.
რა რისკები აქვს Copart-დან ავტომობილის ყიდვას?
Copart-ზე ყიდვა შეიძლება ძალიან კარგი შესაძლებლობა იყოს, თუმცა ამას თან ახლავს რეალური რისკებიც, განსაკუთრებით დამწყები მყიდველებისთვის. მნიშვნელოვანია, რომ ბიდის დადებამდე კარგად გაიაზროთ ეს რისკები, რადგან ავტომობილის მოგების შემდეგ სრული პასუხისმგებლობა თქვენზე გადმოდის.
დაფარული დაზიანებები
ერთ-ერთი ყველაზე დიდი რისკი არის ის, რომ ყველა პრობლემა ფოტოზე არ ჩანს.
ლისტინგში, როგორც წესი, არის სურათები და მოკლე აღწერა, მაგრამ ისინი ხშირად არ აჩვენებს:
- შიდა მექანიკურ პრობლემებს
- ელექტრო სისტემის გაუმართაობებს
- ფარულ სტრუქტურულ დაზიანებებს.
მანქანა, რომელიც გარედან მცირე დაზიანებულად ჩანს, რეალურად შეიძლება ბევრად მეტი სამუშაოსა და ხარჯს საჭიროებდეს.
Salvage საბუთის პრობლემები
Copart-ზე ბევრი ავტომობილი არის salvage საბუთით, რაც შეძენის შემდეგ გარკვეულ სირთულეებს ქმნის.
ეს გავლენას ახდენს:
- რეგისტრაციაზე – შეიძლება საჭირო გახდეს დამატებითი ინსპექტირება
- დაზღვევაზე – ზოგიერთი კომპანია საერთოდ არ აზღვევს ან სთავაზობს შეზღუდულ პირობებს
- გადაყიდვაზე – ასეთი მანქანები რთულად იყიდება და, როგორც წესი, ნაკლებად ფასობს.
მნიშვნელოვანია, რომ შეკეთების შემდეგაც კი ეს ისტორია მანქანას ყოველთვის მოყვება.
შენახვის გადასახადები და ვადები
აუქციონზე გამარჯვების შემდეგ, მოქმედება სწრაფად უნდა დაიწყოთ.
Copart-ს აქვს მკაცრი წესები:
- ავტომობილის გაყვანის შეზღუდული დრო
- ვადის გადაცილების შემთხვევაში – ყოველდღიური შენახვის (storage) გადასახადი.
თუ წინასწარ არ გაქვთ მზად ტრანსპორტირება და დოკუმენტები, ხარჯები სწრაფად გაიზრდება.
ტესტ-დრაივი
ავტოდილერებისგან განსხვავებით, Copart-ზე მანქანის ტესტ-დრაივი შეუძლებელია.
ეს ნიშნავს:
- ეყრდნობით მხოლოდ ფოტოებსა და რეპორტებს
- ზუსტად არ იცით, როგორ მოძრაობს მანქანა
- შემდგომ აღმოჩენილი პრობლემები მთლიანად თქვენი პასუხისმგებლობაა.
Copart-ის საკომისიოები, რაც მყიდველმა უნდა გადაიხადოს
ნებისმიერ Copart-ის გზამკვლევში ერთ-ერთი ყველაზე მნიშვნელოვანი ნაწილია საკომისიოების კარგად გააზრება. ბევრი დამწყები მყიდველი ყურადღებას აქცევს მხოლოდ მოგებულ ბიდს, თუმცა რეალურად კოპარტი ამატებს რამდენიმე დამატებით ხარჯს, რომელიც პირდაპირ მოქმედებს საბოლოო ფასზე.
ძირითადი საკომისიოებია:
მყიდველის საკომისიო
ეს არის მთავარი გადასახადი, რომელსაც კოპარტი აწესებს და ის დამოკიდებულია მანქანის საბოლოო გაყიდვის ფასზე.
- რაც უფრო მაღალია თქვენი ბიდი, მით უფრო მაღალია საკომისიო
- სტრუქტურირებულია ეტაპობრივად (არ არის ფიქსირებული)
- ყოველთვის ემატება ბიდის ფასს.
ეს ერთ-ერთი ყველაზე დიდი დამატებითი ხარჯია და მნიშვნელოვნად ზრდის საბოლოო თანხას.
ონლაინ ბიდინგის საკომისიო
რადგან აუქციონების უმეტესობა ონლაინ ტარდება, Copart იღებს დამატებით საფასურს პლატფორმის გამოყენებისთვის.
- ეხება ონლაინ მონაწილეებს
- როგორც წესი, არის მცირე ან ფიქსირებული გადასახადი.
მიუხედავად იმისა, რომ ეს არ არის ყველაზე დიდი ხარჯი, მაინც შედის საბოლოო ფასში.
გაყვანის საკომისიო
ავტომობილის კოპარტის ავტოპარკზე ყოფნის გადასახადი:
- ფარავს ლოკაციაზე დამუშავებისა და გაცემის ხარჯებს
- დაწესებულია თითო მანქანაზე ერთჯერადად.
ეს არის სტანდარტული გადასახადი, რომელსაც ყველა მყიდველი იხდის.
შენახვის გადასახადი
კოპარტი გაძლევთ შეზღუდულ დროს ავტომობილის გასაყვანად. თუ ამ ვადას გადააცილებთ:
- იწყება ყოველდღიური შენახვის გადასახადი
- ხარჯები სწრაფად იზრდება.
ამიტომ ძალიან მნიშვნელოვანია ტრანსპორტირების წინასწარ დაგეგმვა.
ვინ ყიდულობს ძირითადად Copart-ზე ავტომობილებს?
კოპარტს ძირითადად იყენებენ ის მყიდველები, ვინც კარგად ერკვევა აუქციონების მუშაობაში და მზად არის რისკის, შეკეთების ან გადაყიდვის პროცესისთვის. ეს არ არის ტიპიური „პირველი მანქანის“ მყიდველებისთვის – მონაწილეთა უმეტესობა რამდენიმე ძირითად ჯგუფად იყოფა:
- ავტოდილერები – დილერები ყიდულობენ მანქანებს დაბალ, საბითუმო ფასად და შემდეგ: არემონტებენ, ამზადებენ გასაყიდად და ყიდიან საცალო ფასად.
- ექსპორტის კომპანიები – ეს მყიდველები ავტომობილებს ყიდულობენ სხვა ქვეყნებში გადასაგზავნად, სადაც მოთხოვნა მაღალია და გადაყიდვის მარჟა უფრო მომგებიანია.
- ავტომობილების მექანიკოსები/ხელოსნები – სპეციალიზდებიან დაზიანებული ან salvage მანქანების აღდგენაში – არემონტებენ ავტომობილებს, ან ყიდიან მოგებით.
- ავტოსერვისები – ზოგი ავტოსერვისი ყიდულობს მანქანებს შესაკეთებლად და გასაყიდად, ან საკუთარი საქმიანობისთვის გამოსაყენებლად.
- ნაწილების გადამყიდველები – მძიმედ დაზიანებული ავტომობილები ხშირად იყიდება ნაწილებისთვის – ნაწილები იყიდება ცალ-ცალკე, ჯამში უფრო მაღალი მოგების მისაღებად.
- გამოცდილი ინდივიდუალური მყიდველები – არსებობენ ფიზიკური პირებიც, რომლებიც მონაწილეობენ Copart-ზე, აქვთ გამოცდილება მანქანებში, ესმით შეკეთების ხარჯები, და ჰყავთ მექანიკოსი/ექსპერტი მხარდასაჭერად.
ღირს თუ არა Copart-დან ავტომობილის ყიდვა?
Copart-ზე მანქანის ყიდვა ბევრისთვის მიმზიდველად ჟღერს, მაგრამ რეალურად ყველაფერი დამოკიდებულია იმაზე, რამდენად კარგად ერკვევით პროცესში. ეს არ არის უბრალოდ დაბალ ფასად მანქანის პოვნა, მნიშვნელოვანია ზუსტად იცოდეთ, რას იღებთ და რა რისკებთან გაქვთ საქმე.
როდის აქვს აზრი Copart-დან ავტომობილის ყიდვას?
კოპარტი კარგი არჩევანია მაშინ, როცა მზად ხართ პროცესისთვის და იცით, როგორ მიუდგეთ მას:
- გესმით შეკეთების ხარჯები – შეგიძლიათ წინასწარ შეაფასოთ, რა დასჭირდება მანქანას და თავიდან აიცილოთ მოულოდნელი ხარჯები
- გეგმავთ გადაყიდვას – ყიდულობთ მანქანას იმისთვის, რომ შეაკეთოთ და შემდეგ უფრო მაღალ ფასად გაყიდოთ
- ყიდულობთ შეკეთებად ავტომობილს – დაზიანება მართვადია და ფინანსურად აზრი აქვს მის აღდგენას
- გინდათ უფრო იაფი მანქანა და მზად ხართ რისკისთვის – თქვენთვის ფასი უფრო მნიშვნელოვანია, ვიდრე კომფორტი და მზად ხართ პასუხისმგებლობისთვის.
როდის არ არის კოპარტიდან ავტომობილის ყიდვა საუკეთესო არჩევანი?
ზოგი მყიდველისთვის კოპარტი არ არის სწორი არჩევანი. მაგალითად, ისეთი ადამიანებისათვის, ვინც:
- ელოდება უკვე გამზადებულ მანქანას – Copart-ზე მანქანების უმეტესობას სჭირდება გარკვეული სამუშაო
- ვერ ამოწმებს მანქანას სწორად – მდგომარეობის გაუგებრობა მნიშვნელოვნად ზრდის რისკს
- არ იცის შეკეთების ხარჯები – არასწორმა შეფასებამ შეიძლება „იაფი“ მანქანა ძალიან ძვირ შეცდომად აქციოს
- ელის ავტოსადილეროს მომსახურების დონეს – Copart-ზე მანქანები არ არის მომზადებული, დაუზიანებელი ან გარანტირებული, როგორც ავტოსადილეროში.
Copart vs ადგილობრივი აუქციონები (მნიშვნელოვანი განსხვავება)
არსებობს მნიშვნელოვანი განსხვავება იმაში, ყიდულობთ თუ არა მანქანას პირდაპირ აშშ-ის აუქციონიდან, როგორიცაა Copart, თუ ადგილობრივი აუქციონიდან, სადაც ავტომობილები უკვე იმპორტირებულია და ადგილზე ხელმისაწვდომია. ამ განსხვავების გააზრება დაგეხმარებათ აირჩიოთ თქვენთვის უფრო კომფორტული და შესაბამისი გზა.
| ფაქტორი | ამერიკის აუქციონი (კოპარტი) | ადგილობრივი აუქციონი (ლაიონ აუქციონი) |
| რისკი | უფრო მაღალი – ეყრდნობით ფოტოებს და რეპორტებს | უფრო დაბალი – შეგიძლიათ მანქანა ადგილზე ნახოთ |
| სირთულე | უფრო რთული – საჭიროებს ცოდნას აუქციონების, ლოჯისტიკისა და დოკუმენტაციის შესახებ | უფრო მარტივი – პროცესი უფრო გასაგებია მყიდველისთვის |
| ტრანსპორტირება | თავად უნდა დააორგანიზოთ აშშ-დან საქართველოში | უკვე ტრანსპორტირებულია და ადგილზეა |
| დოკუმენტაცია | თქვენ აგვარებთ იმპორტისა და საბაჟოს პროცედურებს | უმეტესად უკვე მოგვარებულია. ძირითადად დასჭირდება მხოლოდ განბაჟება |
| ინსპექტირება | ფიზიკური დათვალიერება შეუძლებელია ყიდვამდე. | შესაძლებელია ადგილზე ნახვა, წეროვანში, ლაიონ აუქციონის ავტოსადგომზე. |
როდესაც პირდაპირ Copart-დან ყიდულობთ, სრულ პასუხისმგებლობას საკუთარ თავზე იღებთ:
- ავტომობილის დისტანციურად შეფასება
- ტრანსპორტირებისა და ლოჯისტიკის მართვა
- საბაჟო და დოკუმენტაციის მოგვარება.
ეს გაძლევთ წვდომას ბევრად უფრო დიდ არჩევანზე და ხშირად უფრო დაბალ ფასებზე, თუმცა რისკიც და პასუხისმგებლობაც იზრდება.
მეორე მხრივ, ადგილობრივი აუქციონები, როგორიცაა Lion Auctions, ამარტივებს პროცესს. აქ მანქანები უკვე ჩამოყვანილია და მყიდველს შეუძლია:
- ადგილზე დაათვალიეროს ავტომობილი
- თავიდან აიცილოს საერთაშორისო ტრანსპორტირება
- მიიღოს მონაწილეობა უფრო მარტივ და გასაგებ აუქციონში.
დასკვნა – რა უნდა იცოდეთ Copart-ის აუქციონზე მონაწილეობის მიღებამდე
კოპარტი შეიძლება იყოს ძლიერი ინსტრუმენტი უფრო ხელმისაწვდომი ავტომობილების საპოვნელად, მაგრამ მხოლოდ იმ შემთხვევაში, თუ კარგად გესმით, როგორ მუშაობს ეს სისტემა.
მნიშვნელოვანია გაიაზროთ, რომ Copart არის საბითუმო აუქციონის პლატფორმა და არა ავტოსადილერო. აქ მანქანები იაფია არა იმიტომ, რომ ავტომატურად უკეთეს შეთავაზებას იღებ, არამედ იმიტომ, რომ მეტი პასუხისმგებლობა და რისკი მოდის მყიდველზე.
Copart-ზე არსებული ბევრი ავტომობილი:
- შესაძლებელია შეკეთდეს და რეალურად ღირდეს ყიდვა
- იაფად იყიდება მდგომარეობის, ისტორიის ან სწრაფი გაყიდვის საჭიროების გამო
თუმცა რეალური სარგებელი მხოლოდ მაშინ არსებობს, თუ დროს დაუთმობთ:
- ყველა დამატებითი ხარჯის გაგებას
- დაზიანების სწორ შეფასებას
- ტრანსპორტირებისა და ლოჯისტიკის დაგეგმვას
- მთლიანი ხარჯის გათვლას და არა მხოლოდ ბიდის ფასზე ფოკუსირებას.